Dialettali 11 agosto 2021 · lettura 2 min · 916 letture

+ Segui

Nu ‘48 pe resciata’ nu ‘48 pe ce sfuca’ nu ‘48 pe chesta famma ca cerca terra ca è senza mamma c’abbruscia ‘e ammore ca è strappacore pecché just’ogge nun vò vede’ pappune e schiave pezziente e rre. Nu ‘48 pe me e pe te nu ‘48 ca ddoie fa tre nu ‘48 p’a gente nosta ca conta l’ore ca vò culore russo c’o verde c’o verde ‘o ghianco pecché stu tiempo fa ‘o magnafranco pecché stu cielo se sente stanco. Nu ‘48 pe fa’ e pe da’ nu ‘48 ca vo ‘mpara’ nu ‘48 ca allucca BASTA ca vo jtta’ sta vecchia crasta ca guarda ‘nnanze ca denchie ‘a panza pecché chi chiagne se spogne ‘a mano pecché chi sfragne te fa ‘o cristiano. Nu ‘48 p’a ‘nfamità nu ‘48 p’a scancella’ nu ‘48 pe’ na bannera ca chistu juorno fa doce e allero ca tene sciato ca ha già ‘mparato pecché stu munno vulimmo tunno pecché io zappo e tu sì ‘o sfunno. Nu ‘48 pe n’ata storia nu ‘48 p’a pappatoria nu ‘48 ca canta ‘a vita ca va scrivenno tutto esaurito ca attacca e stregne ca schiova e tegne pecché sì acciso d’a lista a lutto pecché a sta sotto te siente strutto. Nu ‘48 p’a sciorta toia nu ‘48 pe chi fa ‘o boia nu ‘48 ca appiccia e stuta ca cu sciurdezza spogna e saluta ca vo’ p’ave’ ca vo’ tene’ pecché sta vota vo’ cumanna’ pecché pe sempe vo’ ‘a libertà.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese