Dialettali 15 dicembre 2021 · lettura 2 min · 1270 letture

+ Segui

Pecché propio na stalla? Pecché nu poco ‘e paglia e ‘o Ninno liscio e sbriscio? Che ‘mbruoglio! Che mistero! Ma nun me pare ‘o vero ca ‘a carne ‘e mastu Ddio me porta stu recrio... sta sciorta... na speranza ca nun’è maie valanza! Pecché pe me e pe te? Pecché chesta prumessa ca è nova e sempe ‘a stessa? Che suonno! Che cuperta! Na porta sempe aperta ‘nce trase dinto e fora... te carma sta malora... e scrama: “ Curre cca! Cu mme te può scarfa’. ” Pecché sta terra ‘nfame? Pecché stu piglia e fuje sta vita ca se struje? Che notta! Che passiona! Che freva smargiassona! Me saglie alleramente sentenno Dio criaturo ca se fa maccaturo pronto a te scumpiglia’ sta perchia umanità. Pecché mmiezo a sta gente? Pecché me sento rrè quanno sto assieme a te? Che voglia! Che vurria! Che pate stu zi Peppe c’acconcia tutt’e zeppe! Che mamma sta Maria ca dice sempe sì pure si è viernarì e po’ se straccia ‘o core spannenno sango e ammore! Che forza ‘o Bemmeniello ca ride sperciatiello che foia e che passione che juorno e che stipone! Pecchè!?...Pecchè!?...Pecchè?!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese