Dialettali 3 settembre 2024 · lettura 1 min · 337 letture

P + Segui

In ogni bel paès gh’è quel che ciàmenn “matt”: el fà del mà a nissügn, l’è liber cumè ‘n gatt. Te’l vedet semper là, in pè che’l gira in piaza, che’l parla de par lü, quand ghe n’ha giò ‘na taza. El vùsa cunt ul ciel, el g’ha un quaicoss de dì, e tütt i gent che passa fann finta de sentì. El gira tütt i strad e i angul del paés, e ghe dann tücc la tara ma lü’l fa no l’ufés. El g’ha la vita straca, un sogn in del so coeur, el vètt ul mund che ’l passa, ul dì che ’l nass e ’l moeur. El vif a la giurnada, che gran filusufia! e quant l’è stracc el dorma senza nà in farmacia. Ma gh’è de dì ‘na roba: “A pensacc ben, o gent, i matt semm forsi nümm, l’è lü l’inteligent”.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Pinkrosy