Dialettali 21 maggio 2008 · lettura 1 min · 5120 letture

+ Segui

C'era una volta n'angolo e munno, bello, accussì bello, ca Dio l'avetta fa cu nu penniello. Azzurro o cielo, giallo e cucento o sole, pe tutta a matenata, fini a sera; quanno po', stanco e scurnuso, pittanne e russo e cose, se cocca adurmentannese dinto a nu mare blu. E primmo e piglià suonno, passa e cunsegne a Luna, vestennela d'argiento; scarfannela a nuttata, cu nà trapunta e stelle. Ricennele po': oi Luna, mo t'aggio fatta bella, dà n'uocchio e nnammurate, rimane e sentinella. E a Luna, impertinente, ridenne allegramente, resta e pattuglia n'cielo. Specchiannose po'a mmare, dona a st'angolo e munno tutto l'argiento suoio. O Vommero, Posillipo e o Vesuvio, tenenneso pè mano, fanno a curnicia o puorto. Santa Lucia Allummata dà luce de lampare, fa suspirà e poeti, turisti e nnammurate. L'argiento e chella Luna appiccia vichi e vie, e a chi le stà luntana, l'appiccia a nustalgia!

♥ 0 💬 5

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Ezio Grieco

....e la vita va! Scrivere e leggere è la mia passione, scrivo d'istinto mettendoci cuore, leggo di tutto, ma mai in modo superficiale; cerco di cogliere il senso dello scritto.