'na stiddhra (- sunnare -)

'nu pezzu te core 'ntra le paute scusute 'nde cate 'nu picca te fore - lassa stare - 'ni face sulamente bene pigghiare 'nu picca te aria a 'ddhru dissunestu Lu 'giurnu mariceddhru ca sape te scrace e scursuni cussì se profuma te frasche e murteddhra Ete l'ura ca nu bè ura quiddhra pè sunnare lu megghiu. Quandu lu giurnu se accasa 'ntra lu mare e tie te 'nfili 'ntra 'na parola 'na petra 'ntuletti la facce e scundi lu core sutta la esta ete già festa 'ddhra fore Le stiddhre ca catenu se fermane 'nu picca a uardare le parazioni, le giostre 'ntra li fuechi se fannu lisciare. Le focare subbra la rena le risa spunzate te niezi le curse 'ntra l'acqua salata te bruciane sutta la scorza mentre 'na stiddhra te 'ricia le speranze e la notte picciriddhra. - ete 'na notte 'ntra 'n'annu ma se cuce 'ntra lu core la prima stiddhra ogne giurnu tra nu fiuru e n'affannu -