A me Patri

Ora ca non si chiù na stu patiri aiu na malatia ca non po’ guariri. Ni la menti s’abbrancicunu i rivordi ca no me cori m’addumunu u duluri. Propriu picchì tu non si ‘cchiù ‘ccu mia, ti vogghiu tra sti righi n’po’ parrari. U sacciu r’intra di mia ca lu to cori è ranni, macari ca n’vasuni lu desidirai ‘ppi tanti anni. Cu ‘ddu to non fari capiri chiddu ca intra senti a nuatri ni sapisti sempri fari cuntenti. E oggi ca patri senza patri sugnu, e comu ca ni la panza m’arrivassi n’pugnu. Mai mi pozzu di la menti livari li to occhi ca s’ammucciunu su arriri, li to capiddi ca di sempri su di nivi e su e me figghi non ci misi lu to nomu, Salvatori, è picchì tu pi sempri si no me cori.