Amicizia 9 ottobre 2008 · lettura 2 min · 1134 letture

E + Segui

Parvensa del sol in miniatura no sta ingabiarte vien fora! splendi de puro menefreghismo el mondo implode nell'autismo! Credime semo tutti alieni cipolle millesfoglie ai poli siderali semo soli! Sola- mente senza confronto dentro na società che ne vol dispersi. Saremo anca brava gente che ea proprietà tien ben da conto trincerandose avversi contro quei che xe diversi. Eppur dove che ti voli ti ga conossuo ea to luce ritrovà el to vento la foce verso el mar dela to arte che al cuor non mente. Ti ga defogià la segola trovando sentimento. Allora bella mora la to sfolgorante luce tirala fora spensieratamente. Fregandotene de altro se non de chi come de mi senza ea to ironia se sente impoveria. Perché anca formato puntini se gavemo riconossuo bambini e sogando coi balocchi se pol anca far i sciocchi mandandose a cagar, ma la merda xe picenina e col tempo va in desmentega se semo boni de perdonar. No stemo far gli adulti Mone Cassiole Deficenti che chi che ghe ne perde che la ciapa davvero sui denti xe la possibilità de costruir un mondo de andar vanti de render possibile dei cambiamenti. E parafrasando trilussa totò non me rammento che tanto no me vergogno che so ignorante te digo n'altra roba solamente " ste qua xe monae che fa solo la gente! Nialtri semo seri semo puntesini in mondo diverso nialtri semo avatar del metaverso."

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Evaluna Sperber