Dialettali 13 dicembre 2008 · lettura 2 min · 1019 letture

+ Segui

Sì stat'a mia sulo pe n'ora. 'O tiemp' 'e te dì te voglio ancora, e, senza pietà, se chiusa chella porta. Tu, tu nun può sapè che fuoco m'appiccia dint'a 'stu core 'o penziere 'e t'avè; che guerra ca faccio cu ll'anema mia se penzo ca te sto perdendo. No, nun 'o può capì chi sì tu pe me. Nun 'o può sapè che vo dì sta cu te sulo pe n'ora. Sulo pe n'ora, te voless'astregnere sulo pe n'ora; e po' che me mporta se me ne more si te pozzo chiama n'ata vota "ammore mio!" Sulo pe n'ora, chiove o st' 'o sole, è sera o matina, i' cammino senza capì addò porta 'sta via. Maledetta malatia ca m'he purtato a credere ca fuss'a mia. E mo c'aggio capito che era tutta na fantasia, me faccio piglià d' 'a frenesia 'e t'avè almeno pe n'ora. Sulo pe n'ora, te voglio ancora sulo pe n'ora, ammore mio, tuorn'a esser'a mia sulo pe n'ora...

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Klem D' Avino