Vurria

Vurria ncuntrarte addò fernesce 'o mare ncopp'a linea e l'orizzonte addò s'aunisce cu chest'acqua chiara 'o cielo azzurro guardanno sulamente l'uocchie tuoje pe ffà sulamente chello ca tu vuoje. Vurria sentere sulo 'a voce toja mentre nce sta silenzio tutt'attuorno, vurria ca me parlasse doce doce e io me ncantasse appriesso a chella vucchella rosa, vurria ca t'addurmisse mbracci'a mme e chianu chiano t'accarezzasse e doppo avè stutato pure 'o silenzio tu forte m'astregnisse e me vasasse. Piensece pure tu pe nu mumento si chistu suonno nun fernesce maje io te e a "Luna" nce vulessemo bbene eternamente.