Nu suonno doce

Ncopp'a na scala fatta 'e ragge 'e "Luna" i'mmiez'o cielo vulesse arrivà, stennerme ncopp'a nuvola cchiù bella e fermarme ncantato a tte guardà. Pe dint'e llastre 'e chella fenestella vedesse a tte che staje pe t'addurmì e dicesse- Madonna, quant'è bella, nisciuno maje àggio visto che è accussì. Sciulianno ncopp'o primmo raggio argiento, zittu zitto, i' scennesso po' addu te e me desse na mano'o poco 'e viento che, dint'o suonno, te parlasse e me. Trasenno, doppo, dint'a stanza toja, truvasse a tte addurmuta ncopp'o lietto nu lietto e rose mpazzuto,'o core mio p''a troppa gioia, sempe cchiù fforte me sbattesse mpietto. Ma chisto è sulo suonno ' fantasia; pozzo sperà ca se fa doce 'o viento e porta a tte quacche carezza mia mentre te sta a vasà nu raggio argiento.