A me patri

Si sempri allegru e a tutti ridiri fa fari ma si t'incazzi c'è di irisi a ammucciari. Si u patri di lu munnu cchiù beddru e bonu e ringraziu Diu pi stu gran donu. Si sugnu tristi mi vasta taliari la tò facci surridenti e di li cattivi pinsera si libera la me menti. Ti facissitu 'nquattru pi nun farimi mancari nenti e pi qualsiasi problema o miu bisognu si sempri prisenti. Chi gran furtuna è aviri a tia, omu d'oru! Pi tutti nantri si un veru tisoru! Quannu 'nsisti e 'nni fa stancari cu lu tò babbiu ti mangiassi a muzzicuna cori miu. Quannu ti vidi a tilivisioni attentamenti ti putissi parlari pi uri tantu nun mi senti. Quannu canti casa casa si foddri e puru duci e mancu t'immagini quantu mi manca ddra tò vuci. E nun parlamu poi quannu 'nghilisi ha a cantari... Vò ca ti scrivu tutti li paroli comu l'avissitu a pronunciari. Comu a tia nun ci 'nn'è! Ma accussì ti vulissi si nascissi arrè! Vita me, ti lassu, aju chi fari. Si l'unicu amuri da me vita, nun tu scurdari!