Dialettali 12 luglio 2010 · lettura 2 min · 1175 letture

+ Segui

Chi t'agghiu a ddì 'miezzu a sti briganti, 'o sai, su maliziusi e chini ri brianza e si m'azzardu a ddì 'na cosa 'ncunfirenza ce casu ca finisci a frischi e nun ti ricu quanti. P'à verità ci vuoju pruvà a cuntrarià 'sta gghenti, e, se avissi a finiri mali, nun mi n'inporta nenti. Trattasi di una pirsona china ri speranza, ca ha ha fattu tantu 'na sa vita sempri pi nenti e ora si ritrova c'un pinsieri 'nta la panza, cosa frisca frisca, ca sa livari finalmenti. Picciotti, storia d'amuri fra 'na ragazza cca prisenti e nu rigazzu puri prisenti; perciò muti e senza riri nenti. 'Stu picciottu, a ddiri 'u veru, s'ha decisu 'n allegria ca a vita ru gallettu nun va cchiui: l'avi a lassari; e giustu c'ha 'ntravistu 'na picciotta tutta simpatia è rispiratu picchì a cosa è seria: si scanta ri sbagghiari. Ma, staju pensannu, sta storia mi pari 'npocu complicata pirchì viru la carusa e mi pari picca e nenti 'nammurata; e, siccome igghju mi prjò assai pi recità st'Avemmaria, jù 'na ma muruggha ci viru 'n pocu assai ri furberia: ca si vulissi serviri dello mio sapiente "saver -fè" 'pi fari 'na declarazione, ca, tra l'autru, nun s'usa cchjui? jatta è! Sapiti a tutti chi vi ricu: jù fazzu comu ficiru li santi: cangju riscursu, parru r'autru, ccussì nun pigghju scanti.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Aldo Aprile