Dialettali 3 ottobre 2012 · lettura 1 min · 767 letture

g + Segui

E' notte. Me ggiro e mm'arregiro 'int'a 'stu llietto ca mme porta sulo nustalgia, nustalgia 'e te, nustalgia d' 'e ccose passate, passate nzieme a tte. E' ccomme a nu viento... ca 'a dint' a 'sta nenia 'e na museca 'e pianefforte te porta luntana. 'Sta museca è comm' ò viento d' 'a notte ca luntano 'a me te purtarrìa, nziem'a'st'anema mia ca maje cchiù t'astreggnarrìa e mm'arricordo 'e quanno t'affacciave 'a ncopp'a 'sta fenesta... e quanta stelle ncileo 'e cc'aria ddoce attuorno a tte! E' notte e ddorme 'a notte ncoppa a 'sta nonna nonna 'e stu mutivo antico, ca, sulitario, chianu chianu se nne va. Ll'anema mia rrummane a 'sta fenesta e aspetta 'int' à ll'oscurità ncantannose a tte penzà.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

giovanni sardi