Te cerc'ancora

'A sera se ne scenne chiane chiane. 'A luna mo' s'affaccia 'ncopp' 'o mare e tutta malinconica me guarda da llàssù. È triste 'a vita mia senza ll'ammore. "Ammore, ammore dimme 'addò' staje. Te cerco nott' e juorno, ma nun te trovo maje! Te ne si' 'ghiuta a 'nu poste luntane, 'addò' nun c'è bisogno 'e ll'ammore, ma i', ca songh'ancora 'nu cristiane, te tengo sempe 'nchiusa dint' 'o core. 'O tiempo passa, passa comm' 'o viento e 'n anno pare comm'a 'na jurnata. Pe' mme tu si' rimasta comm'a quanno 'a primma vota ca t'haggio 'ncuntrata. E mo', ca songh'addiventato viecchio, te cerc'ancora dint' 'a notte fonda, ma 'o core mije resta sule sule e chiane chiane more senza 'e te. Te cerc'ancora, ma nun te trovo cchiù!".