L'amore rubato

Stammatina l’aggjia tenut’ è ‘mman. Era turnata ‘a for e pirciò c’è l’aggjia strignute. Eran’fredd, tremmavan’...e aggia capito che, ancora nu peccato è chist’arresirio annascus’ che tenimm’ e nuj! E poi... nu braccio attuorn’o cuoll, ‘ncopp a sta spall’annura... Nu vel’ e seta s’è stis mmies a sti faccje azzeccat’... nu dolor doce dint’o piett, nu rispir affannus... Sarà stat ‘tann che ‘o core s’è fermato!! E’ stat’ n’attimo, na vita sana? Chi ‘o po’ sapè! Poi ce simm’ staccat’, ma chian u chian, senza press. Avess’m allungato pure l’eternità!! Quant’è durato? Nu minut, nu secul? E chi ‘o po’ dicere? Jo saccio sulo che quann’ l’ammor’ è annammurat’, allora, crideme, chill’nu more mai!!