'A banna d'a Mmacolata

Sosateve mammà, facite ampresso, sentite sta sunanno o tammurrino. Venite accà vecino a la fenesta pe’ i viche già se sent’o ciufolino! Sentite frieddo? ovè, avè ragiune! A festa ‘e ‘Mmacolata è fridda assaie se ve sosate ve pigli’o maglione, o male all’ossa nun ve lassa maie! Pepperepè! A trumma c’a grancascia se so’ fermate sott’o Mmunicipio, vanno aspettanno ch’a Maronna passa, c’o Sìnnaco ca s’è messo ‘o principio. Ma che furtuna avimmo, eh mammà, stu vascio propri’a mmiezzo ‘o paese. D’a lloggia tra ‘e gerani po’ alluccà ‘a banna ca ce sona ‘a Marzigliese! Nun ve pigliate scuorno, so crisciuto, pe’ ve favv verè cà cammesella! Verite! ‘O farmacista se n’è iuto lassanno n’a puteca ‘a sorella... va appriesso, apppriesso a la prucessione, c’o cammese e senza ‘o cappotto. Dimane, sa retrova ‘o moccolone ch’a freva che glie saglie a trentotto! Sosateve, mettite ‘o manteglino sentite i piatti o flavuto traverso, triccabballacche... ma ca cuncertino. C’è Don Peppino...’o vì ...l’avite perso!! Mammà, nun ve cunuscio stamatina! Aprite l’uocchie... che ‘rè ...no, nun pazziate! Nu rappiglio me curre pe’ ‘a schina! Sìte gelata, pecché nun m’alluccate? V’ho miss’e fiori, chille rà Maronna, nu mazzulino ‘e rrose e biancospino. Vuie, cà site stata na culonna, mò site ‘a “quinta”...sott’o bardacchino!