La cucchiara

È ccertu ca li tiempi so' canciati 'ncunfrontu a quann'iu era ' nu vagnoni; mu' quasi tutti nascunu 'mparati, ma, ci viti, no' ttennu 'tucazzioni. La mamma a nu' li moti n'è 'nzignati pi putì' sciri 'nnanti cu passioni; cú no' facimu mai li scushtumati n'l'è sempri dati ti santa raggioni. A 'nu figghiu, cú no' è malitucatu, li mushtazzuni nc'hàva ffa' pruvari la mamma sova, ti quannu iddu è nnatu. Mu' vetu ca una si shta dda' ta fari cu lu figghiu ca pari 'nu trocatu e ssùbbutu iu mi mettu a gritari: "Li 'recchj nc'ha' tirari e ci la 'tucazzioni no' s'la 'mpara 'ntra ll'ossi nc'l'hàta da' cu la cucchiara!". Traduzione: La cucchiara È certo che i tempi son cambiati rispetto a quand'io ero un ragazzo; or quasi tutti nascono istruiti, ma, se vedi, non hanno educazione. La mamma a noi i modi ha insegnato per poter andar avanti con passione; acché non facciamo mai gli scostumati ce l'ha sempre date di santa ragione. Ad un figlio, ché non sia maleducato, le sberle deve far provare la mamma sua, da quando lui è nato. Or vedo che una (mamma) si sta dando da fare con il figlio che pare un drogato e subito io mi metto a gridare: "Le orecchie devi tirargli e se l'educazione non impara nelle ossa (modo di dire) devi dargliele con la cucchiara!".