Pullecenella

E' overo so' pesante ma 'o triato è 'o specchio cunzumato 'e chesta vita. Vestuto dint''e panne 'e quaccun'ato c''o stucco 'ncopp 'a faccia arruzzenuta. Tra viche, sciure e case 'e cartapesta destine ca se ncontrano a ccupione, ammore chiuse aret''a 'na fenesta a vvote libbere comm'a 'nu piccione. Pe'cchi 'na vita sana ccà ha campata, cu''a póvere d''e juorne aret''e quinte, 'nu muorzo 'e mela pe'tutt'a jurnata a dicere gnorsì a pparole finte, nun dice niente 'e nuovo, nossignore! Chest'è 'na forza ca se porta in scena, ogni cummedia è codice d''onore ca te dà libbertà e te ncatena. Tutt''a ntrasatto veco faccie 'e viecchie scavate comm''e grotte 'e 'nu presebbio, riflesse dint'a 'na curnice 'e spiecchie e ll'uocchie stanche cu' 'nu velo 'e nebbia. Pullecenella s'ha fatto 'e bbalice, currenno se n'è gghiuto fino a ncielo e mò chi 'o ssape o no si è cchiù felice a ffà 'a reggia pe'recità 'o Vangelo. Ha tuzzuliato 'e pporte ô Paraviso ch''e mmane nturcigliate d''a ll'età ambressa senza manco 'o preavviso pecché 'o cupione l'eva scritto già. TRADUZIONE E' vero sono severo ma il teatro è lo specchio consumato di questa vita. Vestito dentro i panni di qualcun altro con lo stucco sulla faccia arrugginita. Tra vicoli, fiori e case di cartapesta Destini che si incontrano a copione, amore chiusi dietro una finestra volano liberi come un piccione. Per chi una vita intera qua l’ha campata, con la polvere dei giorni dietro le quinte, un morso di mela per tutta la giornata a dire signorsì a parole finte, non dici niente di nuovo, nossignore! Queste una forza che si porta in scena, ogni commedia è codice d''onore che te dà libertà e ti incatena. All’improvviso vedo la faccia di un vecchio scavate come le grotte di un presepio, riflesse dentro una cornice di specchio e gli occhi stanchi con un velo di nebbia. Pulcinella si è fatto le valigie, correndo se n'è andato fino in cielo e ora chi lo sa o no se è più felice a fare la reggia per recitare il Vangelo. Ha suonato alle porte del Paradiso Con le mani deformate dall'età In fretta senza neanche il preavviso Perché il copione l'aveva scritto già.