Dialettali 24 gennaio 2015 · lettura 3 min · 2988 letture

+ Segui

Pricantu ara ‘mmasciata E’ benuta Za’Tiresa a senzale du paise ‘ndrà na cista addobbata n’à portatu a‘mmasciata . De na rasa cci- aju spiatu e cc’è tila de cammisa. E cc’è puru lu scrivanu ccù nu labissu e na pinna e nu’ foglio tena ‘mmano ccì vulissadi na firma. Figlia mina a ttè ‘mprèssare, è bbrìgogna addìmmurare Ca Massaru Lachitanu se vulissade ‘nsurare. Mera ch’è buonu partitu, unt’è fà scappà u zitu ca nun sì cchjù tennarella, manca pocu e sì zitella. Tena terre a tumminte e ssù tutte cortivate e ‘ndrà l’orte gioia mia, ci su tutte le gulije Tene piecure e muntuni, crapettelle e zimmaruni, mille galli e galline e joccate ‘e pullicini. Mille jienchi pezzati e vaccine già figliate à carrozze e cavalli e cucchjeri in martingalla. Puorci scrufe e rivutialli si vidissi cu’ su bielli tena rama alla cucina e li stipi sempre chjini. De sazizze e supressate àd’appise stasciunate panzarella cotechini e prisutti sopraffini Vinu, uogliu a varrilate ‘ntrà cantina su ‘nzippate e pane da majiddra ogni juornu tri ‘nfurnate. Figlia cancia lu destinu, jamuninne aru villinu cc’è truvamu tutt’u’bene e finiscianu se pene. U guardare ‘e bellizze mera sulu e ricchizze ca lu povaru mancia s’abbus_scha e lu riccu quannu vò.” “Oji Mà, si vussuria finisci i pricantà allu Massaru ccè firmu a carta du baccalà. L’àju vistu aru cuscinu e mmà zinnatu e arrassusia minne signu spagnata. Oji Mà... unt’arraggià, si mi vù marità nu viecchiu sc- chutu’ e notte u mmè po' dà vuogliu nu giuvinieddru com’èmmia e jissa a se’ futta a pezzèntija. “ Vuogliu nu maritu culli cavuzi tisi, gulijusu cumu n’tontaru cerasu. Me vorra prejà d’illu da sira alla matina e ssu nnè possidente, u minne frica nente” “Oji figlia, tuttu chillu bene è nnà perdenza peccatu sputare ‘nfaccia a’pruvidenza. Za Tiresa dice ca nui àvimu a stessa valenza Si mi maritu iju, t’à pigli a malecrianza?" "Oji Mà cchì vu’ de mia? è megliu ccù nu giuvane godire ca ccù ni viecchiu cuntare dinari puru si a casa e a vigna fannu spusare a signa"

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Lina Maria Cino

Scrivo quando le parole mi perseguitano o quando mi ronzano intorno ansiose d'emanarsi. Le sento, le vedo mettersi in fila.