Segretamente

Stanotte, ammore, dint’ ’e braccie mie comme si stata doce; e che carnalità! Senza dì’ niente, appassiunatamente ’int’ ’a una gioia, una felicità. E zitto e muto ’o core mio senteva ’o core tuje ca lle diceva ’o bbene senza sciatà’. È overo ca nun servene ’e parole; so’ fatte sule pe’ mbruglià’ ’e penziere. ...E tutto se po’ dì’ senza dì niente; pure senza parlà’. Cu ’a voce ’e ll’uocchie, ’e ffrase d’ ’e carezze, miettece tutte ’e chiacchiere d’ ’e vase; nisciuno sente e ppuò’ murmulià’ segretamente comme piace a tte.