Dialettali 4 giugno 2015 · lettura 1 min · 2611 letture

+ Segui

Vulesse dà vulesse fa’ vulesse arricamà sta gloria fatta ‘e fierro sta freva aunita a pelle. Vulesse ohi ne’ vulesse avè vulesse accumparè sotto a sti varre ‘e cielo cantanno stu vangelo. Storia ca è vita nosta scritta c’ ‘a meglia ‘nchiosta figlia ‘e nu santo amico mamma ‘e nu sango antico. Gente ca è doce e amara ‘nzammata e tarantara pronta pe t’abbraccià c’ ‘a voglia ‘e t’abbampà. Vulesse no vulesse sì vulesse ‘nfanfarì c’ ‘a vocca ‘e San Paolino nulano e pellerino. Vulesse ‘a te vulesse ‘a me vulesse trattenè ‘a forza ‘e mille pugne ca torna appena è giugno. Fede ca maie se stuta ca ‘o munno ha canusciuto ca gira pe’ sti strate addo so’ tutte frate. Luce ca dà calore ca parla ‘a sempe ‘e ammore ca more a ogne partenza ca nasce comme è senza.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese