La cilusìa

Datu ca no' ssi 'nzegna 'nta li scoli, li moti comu nasci so' tiversi. È 'na vampa ca bruscia cchiù t'lu soli e cu la spiecu no' nci shtannu versi. È ccosa ca si senti e no' ssi voli la cilusìa, cá scioca brutti sghersi. A ci la prova l'ànama li doli pi ccosi cari, cú no' vannu persi. Putimu tiri ca è 'nu sintimientu ca ci unu no' lu senti no' è cilusu, cá s'ni freca ti tuttu et è cuntientu. Ma a ci lu senti, perc'è 'n amurusu, 'nt'lu cori sua si forma 'nu turmientu e nci rimani pi 'na vita gghiusu. Traduzione La gelosia Dato che non si insegna a scuola, i modi in cui nasce son diversi. È una fiamma che brucia più del sole e per spiegarla non ci sono versi. È cosa che si sente e non si vuole la gelosia, ché gioca brutti scherzi. A chi la nutre l'anima duole per cose care, ché non vadano perse. Possiamo dire che è un sentimento che se uno non lo sente non è geloso, ché se ne frega di tutto ed è contento. Ma chi lo sente, perché è un amoroso, nel suo cuore si forma un tormento e vi rimane per una vita chiuso.