Li sunetti mia

No' vvogghiu cu ssi penza ca è 'nu vantu pi mme' lu scrittu t'li sunetti mia, ma vogghiu sulamenti cu è la via pulita, senza petri e senza sbantu, cá, cu lli scrivu, iu hagghiu fattu tantu, percé no' hagghiu shtutiatu la Puisìa. Hagghiu saputu usà' la fantasia e lu tialettu nueshtru ca è 'nu 'ncantu. Loru mi sannu da' suddispazzioni, cá parlunu ti cosi t'ogni sorta e parunu ca so' comu lezzioni. "Sunetti mia, apritimi la porta ogni vota ca cercu 'nfurmazzioni, cá ormà' la vita mea ddiventa corta!". Traduzione I miei sonetti Non voglio che si pensi che sia un vanto per me lo scritto dei miei sonetti, ma voglio solamente che sia la via pulita, senza pietre e senza sobbalzo, ché, per scriverli, io ho fatto tanto, perché non ho studiato la Poesia. Ho saputo usar la fantasia e il dialetto nostro che è un incanto. Loro sanno darmi soddisfazione, ché parlano di cose d'ogni sorta e sembrano che siano come lezioni. "Sonetti miei, apritemi la porta ogni volta che chiedo informazioni, ché ormai la vita mia diventa corta!".