Uocchie 'e gelusia

Che sarria sta vita mia Si nun putesse cchiù vasà sta vocca curallina? Che dolore ‘mpietto Si dint’a chist’ uocchie affatate Nun putesse sprufundà Tutte ‘e vvote ca me guarde e ca nun parle….. Tu pe mme si comme a ‘na freva Ca m’ abbrucia dint’’e vvene Comme ‘o fuoco ‘e nu vrasiere ca fa scurdà tutt’e penziere. Comme fa l’ onna quanno sbatte ‘ncoppa ‘a riva, accussì ‘a paura ca tu me lasse torna pe me turmentà tutt’ e notte. E dint’a chell’ aria assaje fina ‘e malepensiere m’ accumpagnano fin’’a matina… Chist’ uocchie ca tu tiene, nun l’ aggio viste maje…. E, pure si ‘e vvote ‘e veco ‘nfronte a n’ata femmena, è pecché ‘o penziero mio vola sempe addu tte comm’ a n’ auciello ca tu ‘o ‘nchiudi dint’’a cajola e isso pe dispietto se ne fuje e nun se fa truvà…. Tu pe mme sì ‘a vita, o’ sole, l’ ammore e je te cerco scusa si stu core piccerillo se cunzola quanno sente ca tu si sempe ‘a mia e quanno vede all’ intrasatto chist’ uocchie belle chine ‘e gelusia…..