La munnezza

Ci carculamu quant'è la munnezza ca 'nta 'shtu munnu sempri cchiù 'mmassamu, sarai ni passa totta la trittezza ti fari cosi senza cu pinzamu. Hamà tiniri 'n'ogna ti 'ccurtezza 'nt'la vita ci no' nni vulì' 'uashtamu, cá, ci 'rrivamu poi fign'a la fezza, no' nci shta motu cchiù cu ni sarvamu. Nu' puru simu tutti 'na shchifezza, cá doppu ca hamu muertu spulisciamu, però, ci è vveru ca nc'è 'na sarvezza, hamà ffa' bbeni cu n'la meritamu. Vivimu tutti cu la cuntintezza, ccussì cchiù facili è ca ddà 'rrivamu. Traduzione L'immondizia Se calcoliamo quant'è l'immondizia che in questo mondo sempre più ammassiamo, forse perdiamo tutta la bravura di fare cose senza pensare. Dobbiamo avere un po' di accortezza nella vita se non vogliamo guastarci, ché, se arriviamo poi fino alla feccia, non c'è più modo per salvarci. Anche noi siamo tutti una schifezza, ché dopo morti ci decomponiamo, però, se è vero che c'è una salvezza, dobbiamo far bene per meritarcela. Viviamo tutti con la contentezza, così è più facile arrivare là.