Ti fori e ti intra

'Mpurtanti assai pi nu' èti cu 'pparimu all'atri comu simu veramenti e no' tiversi ti comu intra simu, percéni la 'pparenza vali nienti. Ti fori quasi tutti ni facimu cchiù bbeddi e ci ni veti bbeni senti, ma pó succeti' poi ca rimanimu fricati, cá hamu aggitu 'ngiushtamenti. Ci ni vantamu t'essiri 'mpurtanti vishtennu rrobbi ca so' ti valori facimu aprì' li uecchj a tutti quanti. Però simu ccussì sulu ti fori; ni pinzamu ca l'atri so' 'gnuranti e no' tinimu dignitati e onori. Lu ticu cu amarori: "Ti fori e ti intra nu' hama èssi' uquali, ci noni nienti nc'è ca ti nu' vali". Traduzione Di fuori e di dentro È molto importante per noi apparire agli altri come siamo veramente e non diversi di come siamo dentro, perché l'apparenza vale niente. Di fuori quasi tutti ci facciamo più belli e chi ci vede prova gioia, ma può succeder poi che rimaniamo fregati, ché abbiamo agito ingiustamente. Se ci vantiamo d'essere importanti vestendo abiti che son di valore facciamo sbalordire tutti quanti. Però siamo così solo di fuori; pensiamo che gli altri siamo ignoranti e non abbiamo dignità e onore. Lo dico con amarezza: "Di fuori e di dentro noi dobbiam esser uguali, altrimenti non c'è niente che valga di noi".