Dialettali 17 febbraio 2021 · lettura 1 min · 958 letture

+ Segui

Carnavale se chiammava pazzo e armuso comme a marzo. Pe’ stu munno annuro e sparzo l’e piaceva ‘e cammena’ e si ‘o sole l’appicciava dint’o scuro s’avviava e schiattuso miez’o niente se senteva ‘o rré d’a ggente. Carnavale se credeva e puteva quaglia’ ‘a neve e sta vita le piaceva. S’a metteva a carruzzia’ ‘ncoppa ‘a via (aummarria) senza fa’ na farzaria e si ‘o tiempo se ‘ngrifava notte e juorno s’a spassava. Carnavale se diceva cu curaggio e senza freva. Toco scigno e maniariello era sanghe ‘e mast’Aniello e pe’ ‘nziria o pe’ passione te cantava na canzone ca sfutteva a chisto e a chillo c’ a frischezza ‘e nu verzillo. Carnavale se chiammava e pe’ chesto nun magnava ca pastette e pastarelle e pe’ sfizio cientepelle. Era nato ‘o mese ‘e austo proprio miez’a stu trambusto e po’ quanno s’addurmette sotto’ o lietto scumparette!

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese