Dialettali 7 aprile 2021 · lettura 1 min · 984 letture

+ Segui

Pigliasse ‘o cielo e t’o vuttasse a mare pigliasse ‘o mare e t’o sbattesse ‘nterra pigliasse ‘a terra e m’a mettesse ‘ncuorpo pigliasse ‘o cuorpo e t’o facesse ‘e fierro e po’ stutasse ‘o sole ogne matina ‘a luna ‘a ricamasse ‘e oro e argiento ‘e stelle t’e pittasse a una a una e me ne iesse a spasso cu stu viento vulenno cagna’ ‘a faccia a sta furtuna. Pigliasse ‘e figlie e t’e facesse pate pigliasse ‘e pate e t’e vutasse a mamme pigliasse ‘e mamme e t’e scetasse sore pigliasse ‘e sore e t’e lassasse nonne e po’ scagnasse ‘a vita cu na fronna e l’arbere ‘e ‘nguacchiasse tutte nire c’o grano ca criscesse dint’a sacca e dato ca me cocco cu ‘e suspire facesse ‘e fuoco chesta brutta fiacca. Sapenno e nun putenno chesto fa’ m’abbasta ‘a vocca toja pe te vasa’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese