Dialettali 8 maggio 2021 · lettura 1 min · 1221 letture

+ Segui

Si mamma fosse sulo nu penziero io m’o tenesse ‘mpietto priggiuniero ma ogne tanto m’o purtasse afora pe dà nu poco ‘e sole a scialacore! Si mamma fosse sulo na parola io me ne jesse notte e juorno a scola e m’a studiasse tanti vote tanto ca pure ‘o banco le venesse ‘o schianto! Si mamma fosse sulo nu turmiento ie rummanesse ‘mbraccio a chistu viento cient’anne pe’ mille anne tutta ‘a vita ca fosse sempe attata e sapurita. Si mamma fosse sulo chillu core ca sbatte sempe pure quanno more io me sentesse sango furtunato pecché scurresse dint’o semmenato! Si mamma fosse sulo na canzone io m’a cantasse pe’ scria’ ‘o permone e po’ stunasse tanto ‘a capa a l’ate ca ‘a primmavera jesse int’a vernata!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese