Dialettali 9 giugno 2021 · lettura 1 min · 1158 letture

+ Segui

Diece pe’ ce cerca’ diece pe’ ce truva’ diece p’ave’ na storia ca può ‘mpara’ a memoria na via ca vò na vita aunita e ‘ncapunita. Diece pe’ ce ‘ncuntra’ diece pe’ ce sfrunna’ diece pe’ cagna’ ‘a voce pure a nu juorno ‘ncroce pe’ regnere ‘a staggione cu ‘e verze ‘e na canzona pe’ sta’ pe’ da’ p’auna’ pe’ di’ ca se po' fa’. Diece pe’ ‘nzuccara’ diece pe’ ‘nzapuna’ diece cu ddoie pe’ tre ca tutte vonno ave’ ’a quanno assieme a maggio partette stu viaggio ca conta canta e vanta e sbatte e nun se schianta. Diece pe’ sta cu te diece pe’ sta cu me diece pe’ fa ‘e sti tre nu trono cchiù ‘e nu rrè... Diece p’ave’ nu sole ca ‘a sempe ce cunzola ca nun tramonta maie ca ce adderezza ‘e guaie ca è luce a quanno ‘a vocca vasaie chist’uocchie e ‘a schiocca.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese