Dialettali 14 luglio 2021 · lettura 2 min · 951 letture

+ Segui

Ca si fosse na zuzzosa t’o pigliasse c’a refosa pe sceta’ stu scarrafone ca s’è perzo int’o matrone. Ca si fosse na ‘nguacchiata te chiammasse int’a nuttata pe’ ‘ncanta’ sta pezza cotta ca s’appiccia sott’a botta. Ca si fosse na guagnasta nun dicesse maie m’abbasta pe’ sguarra’ chesta maronna ca te regne e m’arrefonna. Ca si fosse na bagascia te rialasse sta ‘rancascia pe smerza’ chistu ‘nquitato ca se sceta ammullacchiato. Ca si fosse chiaranzana me vullesse sott’a mana pecché ‘o core sbatte forte si s’accorda ‘o pianafforte. Ca si fosse n’arracchiata te tagliasse na fellata pe’ sverna’ chesta mancanza ca me volle sott’a panza. Ca si fosse na purcella te sunasse ‘a chitarrella cu tal’arte e maestria ca ‘mbriacasse tutt’a via. Ca si fosse funnachera t’arapesse ‘a buttunera pe’ dà fuoco a ufanità fino a farte scurchiglia’. Ca si fosse ricuttara t’a vennesse cara- cara pecché pure nu cecato ccà se sente alluminato Ca si fosse na vajassa nun pavasse maje na tassa pecché dint’a stu vulio ce sta tutt’o bene ‘e Dio. Ca si fosse comme so’ nun facesse cchiù din- ndò... ma so’ sulo nu giurnale ca s’è miso a fa’ ‘o speziale...

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese