Dialettali 28 luglio 2021 · lettura 1 min · 952 letture

+ Segui

‘E chesta vita ie songo n’abbusivo: è grazie a bbonasciorta ca so vivo... ‘A morte m’ha tuccato nu mumento fanno sett’anne e ‘ncuollo ancora ‘a sento. E’ na signora ca nun tene faccia scose te cose stregne e nun minaccia. E vote scorda e l’ati vote ampressa te porta addò saje tu e fa ‘a mastressa ma chisti juorne è stata troppo ‘nfame straccianno c’a scaienza dduje ricame. Zitta e muta nun spenne na parola nu lampo na ventata e fa ‘a mariola... e te reporta llà int’a nu spanto spenzannno nustalgia e ‘mpietto ‘o chianto. E’ na vaiassa e conta ca è pupata se dice santa e invece è disgraziata se mette ‘a vesta nova ma è zuzzosa se penza na sciscì ma è assaje schiattosa e quanno’e sera face ‘o chiantarulo te canta pe’ ‘ntramente ca sì sulo.

♥ 2 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese