Dialettali 22 settembre 2021 · lettura 1 min · 890 letture

+ Segui

E ‘o viento ca accarezza chistu juorno se move e nun me smove mente torno a mettere nu poco ‘e nustalgia int’a stu ‘nchiasto ch’enno ‘a vita mia. E tu ca te mettive a fa’ ‘a nuttata ‘ncoppa a nu piezzo ‘e carta cunzumata me cunte ancora ‘o tiempo d’a speranza mo’ ca stu core va cagnanno ausanza. E ‘o cielo s’addimmanna e se confonne abbandunato ‘e notte int’a chest’onne ca portano ‘e turmiente ca saie tu mente ‘o nennillo nun’o veco cchiù. E tu ca me sapive arrefresca’ me dice chianu chiano ‘e suppurta’ sta sciorta ca se ‘ntrica e nun cunzola sta gente ca nun spenne na parola. E ‘o viento torna ancora a risciata’ vulenno sta madamma arrefresca’ e canta ogne mumento nu mutivo ca mente pare muorto è ancora vivo.

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese