Dialettali 27 ottobre 2021 · lettura 1 min · 903 letture

+ Segui

Paccasecca è chella pizza ca cchiù coce e cchiù s’appizza pecché ‘ncapa s’è fissata ca sul’essa ha semmenato. Paccasecca è chillu core ca si sbatte è maje p’ammore pecché dint’a chesti vene scorre ‘o ‘nchiasto c’o veleno. Paccasecca è chella cura ca te lassa accupatura pecché chesta madunnella votta ‘o grasso int’a scarzella. Paccasecca è chella sciorta ca te ‘nzerra tutte ‘e porte e si po’ ce faie ‘o pruciesso chiagne ‘e rasso e te fa fesso. Paccasecca è chella scola ca s’è fatta renzaiola e che a furia ‘e fa’ accussì maje sta storia po’ ferni’. E pe’ tutte chesti cose o so’ fiete o songo rose chesta vita cchiù nun ‘ntrona: " PACCASECCA fa ‘a patrona!"

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese