Dialettali 5 gennaio 2022 · lettura 2 min · 880 letture

+ Segui

A te ca sì nu piezzo ‘e carna cotta na bella faccia tosta e na ricotta. A te ca sì na mamma ‘e ceralacca nu valiggione ‘e impegno e na patacca. A te ca nasce pate pe’ scummessa tre chile ‘e genio e na castagna allessa. A te ca ‘e sorde songo ‘a primma cosa na votta ‘e carità e na cassosa. A te ca ‘o core è smania ammazzaruta na ponta ‘e pazzaria e na spremmuta. A te ca ce cumanne cu alleria sei casce ‘e onestà e pulizia. A vuie ca mo’ sceglite ‘o presidente facitelo c’o core e no cu ‘e llente. A te ca mitte ‘o sciacquo int’a menesta nu chilo ‘e cundimento e na rapesta. A te ca ammische ‘a vocca c’o scunnietto na sacca arrepezzata e nu lucchetto. A te ca passe ‘a vita a ‘mbruglia’ ‘a ggente nu piezzo ‘e na stanfella ‘mpertinente. A te ca ‘o sole splenne pe’ dispietto ‘o ffuoco ‘e na carezza e nu cunfietto A te che alla giustizia stracce ‘a benda na spada c’a fermezza stralucente. A te ca spieca ‘a vita c’a scaienza quatte quintale ‘e ammore c’a pacienza. A te ca juoche ‘e carte c’o vaccino nu poco ‘e freve ‘e maggio int’o sacchino. A me ca cu sta penna pogne ‘a gente nu sì e nu no senza fa’ ‘o pezzente E a vuie ca mo’ leggite stu trentuno ve sbatte ‘e mane ca nun so’ nisciuno!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese