Dialettali 12 gennaio 2022 · lettura 1 min · 998 letture

+ Segui

Futtetenne ‘e tutt’a gente futtetenne ‘e tutto e niente futtetenne ‘e chi te giura ca sta vita è accuppatura ‘e chi ‘o bbene nun’o fa e continua a se sciala’. Futtetenne ‘e chi è felice futtetenne ‘e chi è curnice futtetenne ‘e chi nun crede pecché tanto nun ce vede ‘e chi cerca ‘e te ‘mprusa’ core chiocca e vò sfucà. Futtetenne ‘e chi fa ‘o fesso futtetenne carma e gesso futtetenne ‘e chistu viento guarde areto e statte attiento ca ‘a furtuna nun ce sta pecché ‘a scola nun ce va. Futtetenne ‘e chesta vita futtetenne si è sciapita futtetenne ‘e chi nun chiagne primma o doppo tu sparagne e te truove a squaquiglia’ miezo a l’ate pe’ pietà. Futtetenne notte e gghiurno futtetenne ‘e chi sta attuorno futtetenne ‘e sta miseria ca s’accocchia c’a materia c’a speranza ‘e s’abbenta’ tanto ’o munno addà schiatta’!

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese