Dialettali 23 febbraio 2022 · lettura 1 min · 760 letture

+ Segui

Carnavale carnava’ è ‘mpazzuta sta città cu sta ggente ggente ‘e lusso ca s’è fatta alliccamusso e se veste c’a bannera janca rossa e parlettera essa gira e va giranno c’o spadone ‘e don Orlanno. Carnavale carnava’ ‘o cchiù frisco ca ce sta c’o curaggio d’a paura ca sta vocca t’ammesura cu ‘e parole sfrantummate miezo a l’ate scapizzate pecché ‘o munno cerca pace scapuzzianno don Cacace. Carnavale carnava’ nun putimmo suppurta’ chesti maschere zuzzose ‘ncafurchiate cu ‘e cimose miezo ‘e strata dint’a via cu pacienza e ‘nteressia c’a freschezza ‘e nu babà doce e attato pe’ sfuca’. Carnavale carnava’ ogge cca dimane llà cirche ‘o meglio truove ‘o peggio stritto ‘e fuoco comme a sfreggio dint’a chiocca sotto ‘o pietto cu stu munno piscialietto cu sta vita ca è spitale mente é sulo Carnavale!

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese