Dialettali 9 marzo 2022 · lettura 2 min · 963 letture

+ Segui

‘A pace è chella cosa (è certamente astratto) ca campa senza patto ca vole int’a nu piatto ‘a gente ‘e tutt’e razze ‘e vocche ‘e tutt’e chiazze. ‘A pace è chillu core ca nasce cusetore ca spica janco e niro ca spenne quatte lire senza accatta’maje niente purtanno sempe ‘e lente guardanno assaje luntano pure si è talebano. ‘A pace è nu rilorgio c’a faccia ‘e mastuggiorgio ca ‘o tiempo nun’o tene ca schioppa dint’e vene pazzianno c’o tauto vulenno ave’ n’aiuto pe’ da’ a sta gente onesta na porta o na fenesta. ‘A pace è sta canimma ca cchiù nun trova ‘a rimma ca aspetta e ‘a sempe spera e cerca na manera ‘e nun pava’ ‘o ‘nteresso e nun te fa maje fesso ‘e regnere ‘a bacheca c’o suonno ‘e na puteca addò pe’ me e pe’ te putimmo sulo ave’ nu juorno sapurito na terra senza vrito nu cielo sole e stelle nu pietto aunito a pelle ca canta cu passione ‘a meglia d’e canzone ca dice a volo a volo ca simmo ‘a stessa scola ca allucca a se schianta’ ca è bello a s’abbraccia’. Vulimmo accumincià!?

♥ 4 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese