Dialettali 4 maggio 2022 · lettura 1 min · 1350 letture

+ Segui

E puorte ‘ncuorpo colpa ‘e na cundanna ’e na scummessa vecchia comme ‘o munno ma ogni vota chiove e gghiesce ‘o sole pecché ‘a storia vecchia è storia nova. E puorte ‘ncuorpo e chiagne e sì felice quanno t’arape comme a na castagna e ogni ponta ca pogne po’ te cagna e tu addiviente rosa luna e sciorta pure si areto sta aspettanno ‘a morte. E puorte ‘ncuorpo ma nun songo tuoie. E’ ‘a vita ca s’e chiamme ‘e fa vula’ mente ca tu può appena cammena’ e ‘o passato è presente già dimane pe’ te ca stienne ancora chesti mane. E puorte ‘ncuorpo e nun so’ sulo figlie songo marito amante e ‘nnammurato e pure si ce sta chi è disgraziato ’o puorte ‘ncuorpo e l’aie già perdunato... pecché sta vita ca nun tene pena quanno pare vacante se fa chiena.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese