Dialettali 6 luglio 2022 · lettura 1 min · 966 letture

+ Segui

E vaseme accussì cu l’uocchie chiuse ’nfaccia a sta gente sotto a chesti fronne c’o core ca se ‘nfoca e se confonne cu ‘e mane dint’e mane toie annascuse. E vaseme na vota e n’atu tanto e n’ati ciento vote bene mio ccà dinto sona e canta nu recrio na museca ca ‘a carna mia surtanto. E vaseme cuntenta ‘e nun parla’ int’o silenzio ‘o munno pare ‘o vero e ‘o tiempo passa e scorre tinco e allero e ‘a chiocca penza sulo a se ‘mbriaca’. E vaseme c’o core ‘e sta passione ca sempe ‘nnammurata fa ‘a patrona ‘e chesta vita nenna e zucculona ca ‘ntona ogne mumento sta canzone.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese