Dialettali 10 agosto 2022 · lettura 1 min · 861 letture

+ Segui

Putesse fa a cazzotte cu sta vita stracciata comme a carta mmiez’a via ‘mpurpata cu na ponta ‘e fantasia cusuta fra sta ggente... vecchia zita! Putesse guverna’ sta ‘nchiavecata cu chella freva ca me scenne ‘a pietto ma ‘o core s’è vennuto pure ‘o lietto e ‘o riesto è sulamente na pittata! Putesse maschera’ sta faccia brutta c’o gesso ‘e chistu tiempo guallaruso gnurante cacciaprete e suspettuso ma ‘a vocca nun s’arape e resta asciutta! Putesse si sapesse e si ‘e sentesse ‘o sole ca me scarfa ‘ndifferente ‘o cielo ca s’è fatto malamente schiattato senza genio e perepesse! Putesse comme dice e comme saje canta’ sta vota cu na chiocca allera ma ‘a lengua è addeventata na rasera e ‘a sciascia penza e chiamma sulo ‘e guaje!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese