Dialettali 7 settembre 2022 · lettura 1 min · 868 letture

+ Segui

E viene chianu chiano a me sceta’ passanno ‘nnante ‘a senga d’a perziana dicenno a core a core ca mo ‘o sole s’è miso ‘e bona lena a fatica’ pe dà cchiù luce e appriesso cchiù calore mente ca ‘a vocca sape ancora ‘e ammore. E guardo ma nun veco tu che faie... E parlo ma nun sento ca ce staie... E penzo ma nun credo ca ‘a jurnata ‘nchietta a stu sole passarrà priata. E viene ampresso ampresso a me scemia’ mente ca l’uocchie parlano ‘e speranza scurnuse strafuttente e penzieruse c’o tiempo ca sta vita vò annucca’ pe’ da’ sapore a sta prumessa nova ma ‘a chiocca appiccia ‘o lumme e nun te trova.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese