Dialettali 23 novembre 2022 · lettura 1 min · 697 letture

+ Segui

Sì stata areto ‘e laste ‘e na speranza sapenno quanno è brutta ‘a luntananza e ‘a vocca ca parlava pe spunta’ cercava ciento scuse pe sfuca’. Sì stata nu rilorgio artetecuso ca se scetava spisso pettemuso e ‘o tiempo ca stentava ‘e se ferma’ vuleva sta viarella accumpagna’. Sì stata ‘a cchiù felice d’e munete nu cielo ca purtava tre cumete e ‘o suonno ca penzava ‘e se sceta’ t’ha fatto ogne mumento cumanna’. Sì stata na paura ‘nzuccarata na fetta doce justa e perlibata e ‘a sete ca continua a scunciglia’ nun basta pe se mettere a sbenta’. Sì stata na scummessa ‘a cchiù varvuta na terra maje criata e maje cresciuta e ‘a vita ca sta sempe a te cerca’ è pronto ufanamente a te scria’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese