Dialettali 1 febbraio 2023 · lettura 1 min · 685 letture

+ Segui

Acqua ‘e cielo vaje a zeffunno tu me sciacque chistu munno e m’o lave c’a fermezza ‘e chi abballa int’a munnezza e sta vita faie scunta’ mente ‘o core vò spica’! Acqua ‘e terra chi m’afferra? Chistu core mio se ‘mperra e sbattenno notte e ghiuorno maie nun prova ‘o poco ‘e scuorno e cuntento ‘e se scugna’ te vulesse sciacquaria’! Acqua ‘e vita acqua ‘e mare tu me bagne e i’ m’arripare dint’e bracce ‘e na guagliona ca cu ‘e vase me ‘ncurona miez’e strate a fa’ scialla’ pecché ‘o tiempo sta a schiatta’! Acqua ardente acqua ‘e niente famme sta ‘nchiett’a sta gente c’a speranza ‘e chi è diuno c’a certezza ‘e chi è nisciuno e facenno ‘o quacquarà se diverte a te ‘nzurda’!

♥ 2 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese