Dialettali 19 agosto 2026 · lettura 1 min · 31 letture

+ Segui

E quanno ‘ncoppa ’a tavola ‘o ppane nun ce sta penzate ca ‘o diavolo nun sape cchiù abbampa’ pecché stu bbene ‘e Dio ve dà chill’arrecrio ca capa panza e vene s’ ‘o vonno rimurchia’. E quanno masto Enrico ve ‘nforna sta delizia (ie cu piacere ‘o dico) truvate na grannizia pecché sta quint’essenza ca è meglio ‘e sua eccellenza saglienno ‘ncopp’ ‘a scena ve fa na casa chiena. E mo’ ne so’ sicuro faccio ‘o dichiaramento e ‘ncoppa ‘a carta giuro: “Chisto è nu sacramento!” pecché songo tant’anne (guagliù mannate ‘o banno) ca dint’a chesta chiocca ‘o ppane cresce e schioppa!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese