Dialettali 20 giugno 2008 · lettura 2 min · 1100 letture

D + Segui

Na fiata, centu fiate, mille fiate! ... Tieni a mente sta strana frase ti arte ca no teni ne capu ne cota ti nisciuna parte Ti vojà contu nu fattu ti nu giuvincieddu, ca stà camminava, li ùecchie all'aria, lu core sua tinia ntra na caggia cu nu cancieddu e strettu li scia a ddu poveru core ddu spaziu... e comu stringìa!! N'era passate cussi tante, ca nu sole ca sta muria paria... povero ddu crishtianu ansimante... Allora! ... scuseme, stà dicia! passiggiava sulu sulu, ddu povero fiju tilla svintura e senza spiccicà na favella... Eh!! era na beshtia... ca sta spittava la bella... no? mamma ci ti contu, ce jera goffu, crutu, nu prato mminatu! Ma! , viti nu picca, na spuntatina prima quà e puè ddà nci vulia... e lu pacione orsacchiottu, tiventa nu... ecco! ... bah ccè sacciu!! Tu l'eri ddicere! Ti certo, no iè nu tarlu,nénu fagottu! Ma comunque, annaggia, arretu m'aggia persu! 'Nsomma, lu puntu eti ca stu povero crishtu, nno pruava niente, nu muru era. ma nnu ggiurnu... eheh! la luce iè vishtu! Tu, mò, ti chieti... E ccè iè vishtu shtu sciaguratu! Iè vishtu na bella carosa, na Giulietta sobbra lu balcone, ntrà nu mundu fatatu... Nt'era bella, ddà carosa... paria nu fiuru ”ccè iè na rosa? ... Seee Alessà”-tisse cuddu! - ”quedda t'ene li spine! Ci sape comu pizzica! ” Beh ce la vuè sape na cosa? A iddu piacìa... ma si sape!! l'amore ete na malatia. Prima la pije, e puè sboccia, comu li fiuri: Toe anni nci vulera... Mai na malatia iè stata cchiù bella! E lu vagnone, bellu ggiusthtatu, palishtratu (Ohe ce iè modeshtu) si fece annanze, cu nu baciu!! Edda era na cosa spiciale... nu toce, chenu ti crema, e ciucculatu ca ti tifriscava lu palatu. Era lu cchiu bellu ti lu vassoiu! Stae ti fattu, ca lu gioene apriu li porte allu core e finalmente putia ridere, e puru chiangere... piccè... si sape, l'amore iè cussì... ce vuè face!! E mò... sape ca ddu bellu gioene ti vole, anzi! T'ha baciare! T'ha accarezzare! T'ha 'mbrazzare... none na fiata, ma centu fiate... mille fiate!!!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Death