Era pasca

Quanno ca se fa scuro 'ndo reparto e voce e rummore so jute arrepusà sputo chella pasticca me soso e parto pe famme nu viaggio rinda nurmaletà. E' tempo assaie ca song' renchiusa accussì assaie can nun m'arricord cchiù l'addore de li fiori... nna cascata o comme sa fanno i gnuocche cco' rragù. Accussì facce finta pe' nu matino ca so turnata a Napole a casa mie quanno ca stirav ' o mantesino rosa a quadrucce de figlieme Lucie. A 'mpustarella cu le vrucculill ca praparave pe' Ciruzzo mie... a cchille tiempe nuie staveme stritti ca suord contate o ssa sulo Ddie. "Carme', ce scappa stu mese d'accattallo l'ovo de Pasca p'a peccerella nuostra chillo funnente ca pulicino giallo ca cummare Adele a misso 'n bella mostra". Comme 'na 'uerra stabbelita a tavulino me suong' 'nventate a freva cche dolure pe' nun magna' e sparagna' nu tantino na semmana d'a dijuno ca languore. Accussi ave a sustene' a quistione quanno ca Ciro ricette:"A piccerella a puorto cu mme rindo mmercato ddo rione e te te fa' quacche ara pezzerella! " Comme se po' senti' 'na povera mamma cu na preta missa arindo o core pe fa o buono è succiess'o dramma... lloro song'asciti sulo dda duie ore. "Carme' 'sta cuieta nun te 'mpressiuna' ha dda fa ampressa fui all'ospitale... " "Ma ca me ricete me sta' zunzulià... Lucia sta bbuona... e mo sagli'e scale". "Comme po' esse' nun è overo niente essa sta a o mercato a accattasse l'ovo 'nzieme a Ciro... ricelo a chella gente nun po' sta' stesa sotto a chillo lenzulo"! Ciro co e mmani 'mmiezzo i ccapelli chiagne a funtana comme nu ragazzino mazzeca... "... o tramme... chill'uocchiuoni belli... l'ha purtata via... 'nfame destino"! O professore co l'uocchiette vasce "So' addulorato... assaie... donna Carme'... s'a mmorte s'è pazziata pure l'asse a chill'età o jolly nun se fa verè". Ciro da allora tutt'e matine s'affaccia da chilla fenestrella "T'aggio purtate ammo' 'e sfugliatine! " ...me pettena e me rice ca so bella. Da chillo juorno s'a stutato o 'nterruttore ca me premmette de 'nteragi' song' quarant'anne ca gniotto stu dolore e aspetto o treno pa pote' parti'!