Dialettali 17 ottobre 2008 · lettura 1 min · 1338 letture

+ Segui

Quannu a notti è ancora piccirida e i picciriddi dòrmunu a sonnu chinu, a me sveglia maliditta sona ogni matina. Nesciu fora lestu cu lu càvuru e lu friddu e sulu un cielu pittatu di stiddi m'accumpagna silinziusu o travagghiu ogni matina. Addùmu attentu u me furnu e accumunciu a 'mpstari un saccu di farina, pi ffari u pani pi la matina. Quannu u suli finalmenti s'arrisbigghia iu già haiu sfurnatu du cesta di vastedda, ca vinnu subitu, càvuri e cunsati, cun filu d'ogghiu bonu e du sardi salati. Chistu è lu megghiu manciari! Vi lu dicu in cunfidenza amici cari. Ora sugnu stancu e vuatri sazi; si pirmittiti, mi vaiu a curcari; dumani matina all'àvutra genti addàri a manciari.

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Claudio