Dialettali 11 marzo 2011 · lettura 2 min · 2415 letture

L + Segui

A genti, chidda di na vota si senti u cori ruossu, chinu d'arriuordi, si senti a peddi farisi arrizzata sintiennusi du tiempu scarruzzata nmienzu ddi nuomi nmienzu chiddi scrusci ca furunu chiddi di machini di cursa . E' vita, puru, arripigliari sciatu cu na sciasca i vinu pi davanti c'avi a sapiri assai di ddì cantini, ch'ebbi un certu Floriu fatti chini. Cuomu, sepp'iddu inchiri e affuddari tutti li Marunii cu li so strati faciennuli agghiurnari o lustru u munnu pi muvimientu e pi divirtimientu pi dinari e pi ginialità di gnegnu umanu. Tannu era stasciuni tannu, equinoziu tannu Maronna nostra, li priparativi, a maiulini. Tannu si rapievunu li iuochi a danza: Firrari, Arfarumei e atri d'autumobili li casi trasievunu a cumpitizioni pi tagliari primi lu traguardu e la bannera a scacchi Cu: mutura e lanna, parti di miccanica, e d'innuvazioni, ca servi sempri a facci di la terra pi farila furriari o viersu giustu. Chi confusioni, quali u me piaciri; tanti li preparativi, tanti li nuttati chiari, ddi riscursi, ddi valutazioni, ddu parrai. Pàriri nui ncignera, miccanici o ummisti. Nui parrai cu dd'autisti ca furunu l'artisti. Eee. si!! Era propriu tiempu I Targa Floriu. Ormai è tardu sulu arriuordi n'aviemu e nenti cchiù. Arrestunu li strati unchi e abbaddati Arrestunu li scritti nte cunetti, ca furunu fantasii du ziu Totò e di tutti chiddi cuomu nui. Ma, facili un siemu i resa e iamu avanti circannu amuri e gloria, cunquistari e Targa Floriu: cuomu fussi veru bedda ronna.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Linolini