Scontenti

Quanto gusto se prova nel piansarse adosso, e pian pian so nel fosso se ghe tira anca la gente che ne vol ben. E si che sto mondo el sarea pien de robe bele, ma el sol, la luna e le stele le par sempre distanti, come i diamanti pa' i barboni soto el carton o la preson par la gente coi schei. Son sicuro butei, semo fati par essar scontenti e no' se pol far altro che strensar i denti nando avanti pensando che ieri l'era mejo de ancò, sperando 'nte n' doman de fortuna, sensa capir che la luna l'è bela solo da qua so.